უზუნთალას N21-ე საარჩევნო უბნის შედეგები გაუქმდა
2010 წლის 1 ივნისი | 0 comments
ლაგოდეხის N15-ე საოლქო საარჩევნო კომისიამ გადაწყვეტილება აღნიშნული უბნის შედეგების გაუქმების შესახებ მას შემდეგ მიიღო, რაც “სამართლიანი არჩევნებისა და დემოკრატიის საერთაშორისო საზოგადოებამ” საჩივრით მიმართა.
როგორც ორგანიზაციის იურისტმა თემურ ქორიძემ განაცხადა, კაბალის N21-ე უბნის საარჩევნო ყუთში არ აღმოჩნდა საკონტროლო ფურცელი.
,,სწორედ ეს გახდა ჩვენი მოთხოვნის საფუძველი, რომ უბანი კომისიას ბათილად ეცნო. მიხარია, რომ კომისიამ ამ შემთხვევაში სწორი გადაწყვეტილება მიიღო და 21-ე უბნის შედეგები ბათილად გამოაცხადა”, – ამბობს თემურ ქორიძე.
აღნიშნულ ფაქტთან დაკავშირებით ლაგოდეხის N15-ე საოლქო საარჩევნო კომისიის თავმჯდომარე ივანე ზურიკაშვილმა კომენტარი არ გააკეთა და მიზეზად მოუცლელობა დაასახელა.
კატეგორია: კახეთი • მადონა ბატიაშვილი • ჟურნალისტები
